ტრენინგ-კურსის შესახებ

კურსის მნიშვნელობა:

საქართველოს სკოლებში კომპიუტერისა და ინტერნეტის გამოჩენამ სასწავლო პროცესში ინფორმაციულ-საკომუნიკაციო ტექნოლოგიების დანერგვა ერთ-ერთ პროირიტეტულ ამოცანად გადააქცია. ფაქტია, რომ აღნიშნული ტექნლოგიები სულ უფრო ხელმისაწვდომი ხდება ყველა ასაკის მოსწავლეთათვის. ამიტომ, სკოლების რეფორმის გზაზე, განსაკუთრებულ აქტუალობას იძენს შეკითხვა: როგორ დავეხმაროთ პედაგოგებს სწავლება-სწავლის პროცესში ინფორმაციულ-საკომუნიკაციო ტექნლოგიების ეფექტურად გამოყენებაში. მით უმეტეს, რომ ინფორმაციულ-საკომუნიკაციო ტექნოლოგიების ნაყოფიერად გამოყენება ნებისმიერ საგნობრივ ჯგუფსა და სწავლების ნებისმიერ საფეხურზეა შესაძლებელი.

კურსის მიზანი:

ტრენინგ-კურსის მიზანია საქართევლოს სკოლების მასწავლებლთა კვალიფიკიციის ამაღლება, ინფორმაციულ-საკომუნიკაციო ტექნოლოგიების ათვისებისა და გამოყენების კუთხით, რაც ხელს შეუწყობს სასწავლო პროცესში ინფორმაციულ-საკომუნიკაციო ტექნოლოგიების ინტეგრირებას ეროვნული სასწავლო გეგმის მოთხოვნებისა და პრინციპების  შესაბამისად.

სამიზნე ჯგუფი:

კურსის სამიზნე ჯგუფს წარმოადგენენ საქართველოს საჯარო სკოლების დაწყებითი, საბაზო და საშუალო საფეხურების (I-XII კლასების) მასწავლებლები.

წინა საკვალიფიკაციო მოთხოვნა:

იმისათვის, რომ მასწავლებელმა მონაწილეობა მიიღოს ტრენინგ-კურსში, მას უნდა გააჩნდეს ტექსტურ რედაქტორში მუშაობის კომპეტენცია.

კურსი მოიცავს 32 საათს (პერიოდი - 8 დღე, მეცადინეობის ხანგრძლოვობა - 4 საათი დღის განმავლობაში). 

სერთიფიცირების პირობები:

−                -  დასწრება - არანაკლებ 28 საათისა;

−                - კურსის ბოლოს გამოქვეყნებული ელექრტონული პორტფოლიო პირად ბლოგზე.

მონაწილეთა შეფასება:

შეფასება ხდება შექმნილი ელექტრონული სასწავლო რესურსების (გაკვეთილის გეგმა, შეფასების რუბრიკა, პრეზენტაცია, პროექტის გეგმა) მიხედვით, რომელიც ატვირთულია მონაწილის პირად ბლოგზე.

მონაწილემ აუცილებლად სრულყოფილად უნდა შექმნას ტრენინგით გათვალისწინებული პორტფოლიო: ოთხი ელექტრონული სასწავლო რესურსით და გამოაქვეყნოს პირად ბლოგზე.

პორტფოლიოს კომპონენტები:
1. გაკვეთილის გეგმა;
2. გაკვეთილის პრეზენტაცია;
3. გაკვეთილის შეფასების რუბრიკა;
4. პროექტის გეგმა.